Home Police Accidente frontal na Cura Cabay, dos persona a resulta herida

Accidente frontal na Cura Cabay, dos persona a resulta herida

Cura Cabay – Diasabra marduga un patruya di San Nicolas a topa cu accidente di auto serio, altura di Cura Cabay Store.

Mes ora agentenan ta baha pa asina mira si tin heridos y nan gravedad.
Dos persona tawata herida y ambos tawata tin mester di asistencia medico.
Agentenan a pidi pa dos ambulance.

Tawata trata di un accidente frontal, entre un Chevrolet pick up y un Nissan Sentra.
E impacto tawata uno basta duro, mirando con ambos auto a keda.

Un ambulance a presenta prome y despues e di dos a yega, unda cu a transporta ambos persona herida pa hospital.