Amantenan di e deporte i pasa tempo mas gusta pa nos Rubianonan, esta Domino, ta cla pa start sali.
Aruba Domino Bond tin e placer di presenta e Campeonato Nacional di Domino Balashi 2024.
Aruba ta keda invita pa Diabierna awor, dia 26 di April 2024, pa e gran apertura, cu lo tuma lugar na Club Sport Boys, cuminsando pa 6.30 di anochi cu un bunita desfile di e 9 teamnan di Domino Organisa na Aruba.
E campeonato Nacional di Domino Balashi 2024, lo conta e aña aki cu e siguiente 9 teamnan: Old Parr Dt, GoldStone Dt, Extreme Dt, Sport Boys Dt, Eagles Dt, Trappers Dt, Noord Stars Dt, Ottleys Dt.
ADB ta jama bon bini na Royal Domino Team, kende lo hasi nan debut den campeonato 2024.
E campeonato organisa aki lo wordo hunga na diferente cedenan rond di Aruba, tur Diabierna y tur Diadomingo.
E aña aki un vez mas Aruba Domino Bond ta conta cu contribushon di nos compania cu mas tin nos deportenan local na pecho. Cu su productonan mas gusta i consumi durante i despues di wega, esta Balashi i Dewars.
Aruba henter ta wordo invita pa asisti na e apertura i e weganan pa asina apoya tur e teamnan di Domino organisa.
E aña aki, Aruba Domino Bond ta hasi un petición pa fanaticada jega mas na nos weganan, como cu tur miembro di ADB ta bezig ta prepara pa e di 20 Campeonato Mundial di Domino organiza pa FID (Federation International di Domino) cu lo conta cu participación di riba 400 hungador di paisnan manera, USA, Spaña, Russia, Brazil y mucho mas.
Noordstars Dt. Lo sa di retene nan titulo di campeon un biaha mas, of nan rival Old Parr Dt lo tin algo di bisa? E team nobo Royal DT cu sin Sali, ya t alagando teamnan cu temor y anxiedad lo por sorprende? 9 team cla pa bataya.
Aruba domino Bond ta wardabo na Club Sport Boys pa e gran apertura cu bar i cushina na style di happy hour. Amantenan di domino….Campeonato Nacional di Domino Balashi 2024 ta start!
