Home » Power and Resilience Strength & Conditioning ta presenta: Downtown Throwdown 2024

Power and Resilience Strength & Conditioning ta presenta: Downtown Throwdown 2024

by Admin
0 comment 102 views

Oranjestad – Power and Resilience Strength & Conditioning gym (PR) pa di dos aña ta organisa e competencia di Downtown Throwdown den centro di Oranjestad riba Diasabra Juni 15, 2024.

PR Downtown Throwdown ta un competencia local organisa pa atletanan cu ta practica e deporte di CrossFit y functional fitness. E aña aki un total di 60 atleta cu ta forma 30 team di diferente Crossfit Gym na Aruba, lo competi den team di dos consistiendo di 1 atleta femenino y 1 atleta masculino. E aña aki lo tin tres diferente categoria incluyendo Scaled, Intermediate y RX den cual e teamnan lo enfrenta otro durante diferente workouts y lo bataya pa asina sali e ganador absoluto di e premio mayor. Downtown Throwdown 2024 lo tuma lugar Diasabra Juni 15, 2024 pa di dos biaha na Power and Resilience Strength & Conditioning gym cuminsando for di 8or di mainta y e ultimo throwdown lo tuma lugar na Hoya Lush Aruba pa termina pa 4or di atardi.

PR su meta ta pa stimula atletanan pa nan sigui desaroya nan abilidadnan den e deporte y asina promove competencia local pa e comunidad di CrossFit. E structura di teamnan pa inclui 1 atleta femenino y 1 atleta masculino, ta pa encurasha mas atleta tuma e reto y participa na Downtown Throwdown y asina engrandece e deporte. PR kier gradici tur sponsor cu ta hasi e competencia aki posibel: Qredits Aruba, Caribbean Mercantile Bank, Aruba Airport Authority N.V., Setar N.V., Medstar Group N.V., Subway, Cinnabon, Grant Thornton Aruba, Protegy Trading, Tropical Bottling Company N.V., Anker Fish, Quinta Del Carmen, Barefoot, Bon Salud Chiropractic, KedaKeto y MF Neon Aruba.

Aruba ta keda invita pa asisti e di dos edicion di PR Downtown Throwdown pa apoya e atletanan cu sigur lo duna tur di nan banda pa brinda un competencia di calidad. Tur cos lo cuminsa pa 8AM. Pa tur persona cu lo asisti, PR lo brinda areanan cu tent pa minimalisa e efecto di solo, lo tin desafionan pa esnan presente caminda por gana diferente premio y mas cu tur cos, lo tin bon ambiente garantisa. PR kier encurasha tur persona cu lo bin e competencia, pa trece nan mesun cup reusabel y asina promove un comunidad mas sostenibel.

Pa mas informacion tocante Downtown Throwdown 2024, por sigi Power and Resilience na @powerandresilience riba Instagram.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio