Home Police Turista un biaha mas victima di criminalidad na Aruba

Turista un biaha mas victima di criminalidad na Aruba

Auto di huur horta for di Paradera Park Apartments, algun ora prome cu turista mester bandona nos isla

Paradera: Diadomingo mainta algo prome cu 9’or y mey, un turista cu ta kedando na Paradera Park Apartments a sali pafo di su apartamento y a ripara cu e auto cu ela huur no ta staciona unda ela lague.

Mesora ela bati alarma y a pidi pa presencia di polis cu urgencia, mirando cu aki un par di ora e mester subi avion. Na yegada polis a tuma datos pa mesora traha un keho oficial di ladronicia di auto.

Ta trata di un Kia Picanto Cora numera V 4450 di Royal Carrental, ela wordo horta den oranan di marduga for di dilanti di e apartamento di e turista. E auto tin sticker di Royal Carrental y tin un deuk chikito na e parti patras.

Lastimamente cu un biaha mas un di nos bishitantenan mester a bira victima di e criminalidad riba nos isla, hopi tristo cu un turista su vacacion na Aruba ta caba cu un mal experiencia asina.

Si bo persona por a mira e auto aki please avisa polis di biaha, e auto ta wordo busca pa autoridad.