Tanki Leendert – Diadomingo atardi Team di recherche di districto Noord, tawata den Tanki Leendert. Manera ta conoci caba, cu durante oranan di marduga un hoben di 22 aña a wordo hinca y a fayece na Hospital.
E incidente mes lo a tuma lugar ariba e parkeerplaats mey mey di Sopranos cu Sand Bar.
Motibo te awor aki no ta conoci, pero mirando cu tin hopi camera di seguridad den area aki, sigur lo no tawata dificil pa autoridad haya un pista di e persona cu a comete e asesinato.
Team di recherche di Noord
Team di recherche haciendo un tremendo trabou, den menos di 24 ora tin pista di ken e persona ta, cu a hinca Camilo Sosa.
Diadomingo atardi den careda di 6’or, e team di recherche ta presenta na un adres den Tanki Leendert, caminda nan ta confisca un Toyota pick up color cora.
E pick up aki posiblemente ta e pick up cu e sospechoso principal di e asesinato a usa pa bandona e sitio despues di a comete e crimen aki.
Pues autoridad ta haciendo un tremendo trabou y ta cuestion di algun ora nos por bisa pa nan por detene e homber cu probablemente a hinca Camilo Sosa mata.