83
Den fin di siman a tuma luga na San Jose Costa Rica e di XI Costa Rica Taekwondo Open y 4 atleta di Brazil Taekwondo Stichting a participa representando Aruba.
Hakeem Lowe tabata e prome atleta cu a bringa ariba diahuebs y a enfrenta Braven Park di Canada. Hakeem Lowe a cuminsa bon den e prome rond y tabata tin un bentaha di 8-7 den e prome rond, pero a bay door di su rudia. Den e di dos rond Hakeem Lowe a bolbe bay door di su rudia pa di dos biaha y e dokter a para e pelea y Canada por a sigui.
Jourdé Klabér a enfrenta Adriano Alves di Brazil y Jourdé Klabér tabata perdiendo 2-1. Den e di dos rond e score a bira 7-1 pa Adriano Alvares. Jourdé Klabér a haci tur cos cu tabata posibel den e di tres rond, pero net no suficiente pa gana y mester paketa su maleta cu e derota di 11-10.
Diahuebs Rasheed Lowe a lanta cu hopi suerte, pasobra Rasheed Lowe a haña un buy y Rasheed Lowe mester a bringa contra di Adrian Silvan Moreno di Mexico, pero la wordo descualifica y a pone cu Rasheed Lowe a yega final contra di Carlos Salvatierra di Guatemala.
Den e prome rond Rasheed Lowe a avansa cu un score di 3-0. Den e di dos rond Rasheed Lowe a logra score te cu e rond a termina 13-4. Den e ultimo rond Rasheed Lowe a logra gana e medaya di oro cu un score di 17-9. Despues tabata turno di Záhyon Klabér kende a topa cu Juan Soto di Costa Rica. Záhyon Klabér a cuminsa bon den e prome rond cu un ventaha di 5-4. Den e di dos rond Juan Soto a bolter e score cu un ventaha di 11-7. Záhyon Klabér a sigui bringa den e di 3 rond pero no a yega na suficiente punto pa gana y a perde e pelea cu un score di 15-11.
Rasheed Lowe ta e unico di Brazil Taekwondo Stichting cu a logra un medaya di Oro pa pais Aruba den e categoria di cadet. (12-14 aña).
Brazil Taekwondo Stichting ta gradici Lotto pa Deporte pa nan sosten y Aruba su Bandera tabata na halto na Costa Rica un biaha mas.