Yuwana morto/ De Vuyst: Diaranson pa mas o menos 8’or y mey di mainta un habitante Yuwana Morto ta informa polis cu den un mondi banda di su cas tin algun persona scondi y nan ta papia spaño, mesora a dirigi un patruya na e sitio.
Na yegada enberdad nan ta mira movecion den mondi, mesora a pidi pa refuerso, varios unidad di polis a bay na e sitio y na cada salida di e mondi tabata tin polis para pa asina stroba e personanan pa huy.
Na e sitio polis ta haya mas informacion cu tin varios persona scondi den e mondi, tambe cu un di e personanan aki ta lo pasa ofrece arma di candela na benta y segun e persona aki, ela conta un homber nan ta total di 8 persona cu lo a subi tera awemarduga.
Mesora a cuminsa cu un buskeda rigoroso den e mondinan den e area di Yuwana Morto y De Vuyst.
Varios unidad di polis, incluyendo un unidad di K9, a bay den e area aki y a inicia cu un buskeda rigoroso den e mondinan.
Despues di basta rato polis ta logra topa cu dos di e personanan aki scondi den e mondi pabou di Oostenbergweg, mesora a detenenan y a transporta nan pa warda di Polis na San Nicolas. Aparentemente e dosnan cu a keda deteni lo tawata e dosnan cu lo tawata ofrece hende arma di candela pa cumpra, pero polis no a haya nan cu niun arma.
Hendenan ta keda drenta nos isla ilegalmente y esaki mayoria biaha ta den oranan di marduga esaki ta net e ora cu kust surveillance ta patruyando na nos costanan, un biaha mas unda e kust surveillance a keda e diamars pa diaranson? Unda Kustwacht a keda? No tabata tin niun control atrobe den e area di Sero Colorado y e personanan aki lo mester tabata bon na altura, cu no lo tabata tin control eybanda, cu nan por a drenta libremente, possibel leak??
No ta conoci cuanto persona lo a drenta awemarduga, a wordo menciona como 8 persona, pero no ta descarta cu por tabata mas y kiko tur nan a logra drenta cune. E dosnan deteni cu tabata ofrece arma di candela na benta, si enberdad nan a drenta cu arma di candela, cuanto y ki caliber nan a drenta cune y unda nan a sconde nan? Esaki sigur ta hopi peligroso, paso si nan lo bay cay den man di hendenan robes, spera cu pronto bin un solucion pa e problema cu personanan ta keda drenta nos isla ilegalmente y treciendo cosnan ilegal tambe.