ORANJESTAD, 28 juni 2018 – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina empleadonan ehemplar tur luna. E empleadonan cu ta scogi ta esunnan cu durante di e luna a haci nan maximo esfuerso pa brinda momentonan superior na tur esunnan cu bishita Aruba Bank of haci uzo di un manera of otro di un servicio di banco. Rafael Wever ta e empleado cu a ser selecciona durante di luna di Juni.
Sr. Rafael Wever, receptionista, ta percura pa su servicio superior ta uno cu lo refleha den e resultado final di su trabou den e organisacion. Su esfuerso diario pa yuda guia cada cliente, specialmente durante e proceso di nos servicionan di online banking y self-service ta e motibo di su nombracion.
Aruba Bank ta felicita y gradici Rafael Wever.