Den cuadro di transparencia y un politica proactivo Team Rocco a organisa un nochi di informacion. Esaki a wordo campaña cune algun luna pasa y awo a cumpli. Importancia di esaki ta cu e politico nan ta responsabilisa nan mes y na mes momento preocupacionnan di pueblo por wordo vocifera.
E anochi aki a conta cu presencia di Minister President sra. mr. E. Wever-Croes, Presidente di Parlamento sr. mr. J. Thijsen y Lider di Fraccion di MEP sr. R.Tjon, MBA. Tur tres orador a hiba palabra y splica kico ta e trabounan cu a wordo desplega e ultimo temporada.
Despues di e discurso di cada orador tawatin tempo pa haci pregunta door di esnan presente na e politiconan. Mirando e publico grandi y e entusiasmo a extende e anochi te 10 or. Topiconan cu a bin padilanti y cu a wordo splica tawata entre otro; situacion financiero di pais Aruba, investigacionnan cu ta andando, leynan di initiativa, Aruparking, status di Citgo.
Despues di a contesta e preguntanan e politiconan a keda na centro di bario y intercambia ideanan cu esnan presente. Alrededor di 250 hende a acudi na e anochi aki y te 23.30 e ultimo personanan a keda. MEP por wak bek ariba un anochi di informacion exitoso caminda ta percura pa pueblo haya tur informacion. Asina aki ta fortalece nos democracia y “good governance”.
Por ultimo e oradornan kier a gradici tur esnan cu a atende e anochi aki. Esaki ta demonstra cu confiansa den politica por wordo restaura y cu pueblo ta sostene partido MEP.