252
J.E.IRAUSQUIN BOULEVARD – Diadomingo algo prome cu 10’or di mainta, polis y tambe brandweer ta bay entre La Cabana Beach Resort y Paradise Beach Villas pa un holor fuerte di gas.
E informacion aparentemente lo a drenta di La Cabana, cu holor di gas lo ta saliendo for di un restaurant na Paradise Beach Villas cu tabata cera na e momento ey.
Na yegada di brandweer nan a bay na e restaurant maske cu e ta cera y lo a controla e gas esaki tawata cera.
Segun polis, cada biaha cu e biento lanta, e holor di gas ta sali y despues cu e biento calma den e rato ey bo no ta haya e holor mas.No por a determina te na e momento ey di unda e holor di gas ta sali.
