Playa Pabao – Na Centro di Bario Playa tabatin e clausura di e curso di manicure y pedicure2. Un curso cu sigur tabata un exito. Di e 8 cursista cu a inscribi tur 8 a sigi e curso sin falta ni un les. E curso un biaha mas tabata bou di direccion di sra Gilma Salazar. Hopi atencion a wordo poni tanto riba e parti teoria como practico. E curso a termina cu entrega di certificado. Na e occacion aki presidente di Centro di Bario Playa Pabao, sr Dennis Burke, a gradeci Sra Salazar pa e manera di a duna e curso. Tambe sr Burke a felisita cursistanan cu nan certificado. Sr Burke tabatin admiracion con e cursistanan a participa na e curso ya cu nan no tabata falta les. E di tres parti di e curso ta cuminsa otro aña. Na e curso aki solamente esnan cu a recibi nan certificado 2 por participa. Si tin interes pronto lo ripiti e promer parti. Esnan cu ta interesa por yama telefon 583 7775 y puntra pa e “activiteiten begeleider” pa mas informacion. Esnan cu a recibi nan certificado ta: sra Ciria Lozada-Quandus, sra Marline Dijkhoff, sra Stella S. Vrolijk, sra Gladys Pareja Andrade, sra Maricel Pareja Andrade, sra Jennifer Castillo-Ras, sra Mary-Jane Henriquez y sra Shadira Blanco-Clarissa.