Home » UNHCR A HASI DONACION DI AEDs (automated external defibrillator) na CMO Aruba.

UNHCR A HASI DONACION DI AEDs (automated external defibrillator) na CMO Aruba.

by Admin
0 comment 65 views

ORANJESTAD – Den cuadro di Día Mundial di Seguridad y Salud na trabou, UNCHR a hasi donacion di 7 AEDs na CMO Aruba.
Algun di e AED’s lo wordo pone den edificio den cual CMO ta ubica ya cu tin 4 otro departamento di Gobierno cu gran cantidad di empleado, y e AED’s lo sigura un ambiente di seguridad na trabou pa tur personal. E otro AEDs lo ser ubica estrategicamente den e CMO Mobile Medical Unit cu ta ser usa den evento y actividad nan grandi y durante emergencia. Tambe lo inclui algun AEDs den e vehiculonan di emergencia di CMO cu ta disponibel 24 hora. Tur personal cu ta usa a ekiponan menciona a haya e training necesario.
“Garantisa acceso na servicionan esencial di salud esenciales pa tur residentenan di Aruba, ta di suma importancia pa UNHCR”, sra. Irene van Rij, Head of National Office pa Aruba y Corsow, a enfatisa.” E AEDnan lo ta beneficioso p’e comunidad local y tambe p’e migrantenan y refugiadonan na Aruba”.
Ya pa algun aña caba ta existi un bon relacion di colaboracion entre UNHCR y CMO Aruba. UNHCR a hasi donacion di 58 units (RHU) cu a keda usa pa reforsa e infrastructura necesario durante pandemia y nan ta sigui wordo usa durante varios otro evento y actividad tambe. Durante pandemia, UNHCR a hasi donacion adicional di varios product y ekipo di proteccion esencial.
“E meta principal di CMO ta pa garantisa seguridad y bienestar de henter e comunidad, specialmetne den tempo di crisis. Durante e ultimo añanan, e apoyo, cooperación y colaboración di parti di UNHCR tabata fundamental y masha aprecia. Nos ta contento y agradecido cu e donacion generoso aki”, sr. Eurico (Rino) Hermans, Director di CMO a indica.
E colaboración entre CMO y UNHCR ta resalta e importancia di ta prepara pa crisis y emergencias, pa asinia garantisa un futuro más saludable y sigur para Aruba y su residentenan.
Presente n’e entrega di donacion – UNHCR : Sra. Irene van Rij, Head National Office Aruba & Curacao y Sra.Maya Soumah, Associate Protection Officer. Di parti di CMO Sr. Rino Hermans, Director Sr. Rene Ridderstaat y Sra. Yvonne Geerman-Quant y Sra. Gina Lopez-Gnecco, Ketenmanager.
UNHCR:
UNHCR, e agencia di UN pa refugiadonan, ta un organisacion global dedica na salba bida,protehe derechonan y construi un miho future pa personanan kendenan ta oblige di huy for di nan hogarnan debi na conflict y persecucion. UNHCR ta lidera accion internacional pa protehe refugiadonan, comunidadnan cu a keda desplaza forzosamente y esnan apatrida.UNHCR ta brinda asistencia vital,ta yuda salvalguardia derechonan humano fundamental y ta desaroya solucion cu ta garantisa cu e personanan tin un luga sigur jama hogar unda nan por construi un mihor futuro. UNHCR tambe ta garantisa cu esnan apatrida haya un nacionalidad. UNHCR ta activo den mas di 130 pais y ta usa nan experiencia pa proteha y cuida millones di persona.

CMO ARUBA:
Crisis Management Office Aruba (CMO) ta un organisacion fundamental y multifacetica responsabel pa maneha tur situacion di crisis y emergencia y ta encarga cu coordinacion di accionan integral riba escala nacional. CMO ta hunga un papel crusial den fortalese e preparacion y resiliencia necesario gubernamental y pa su residerentenan, garantisando seguridad public y facilitando accionnan rapido y efectivo pa mantene continuidad di operacion.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio