Home » Nigel Maduro – PROTESTA RIBA DIA DI REY DURANTE PROTOCOL DI GOBIERNO

Nigel Maduro – PROTESTA RIBA DIA DI REY DURANTE PROTOCOL DI GOBIERNO

by Admin
0 comment 139 views

 

 

Diasabra 27 di April, riba dia di rey, un grupo di cuidadano concerni a protesta durante e protocol di gobierno. E mensahe cu e grupo kier a trece dilanti ta entre otro: pa duna naturalesa un prioridad, pa para e construccion di hotels, pa tuma e crisis di medioambiente na serio, pa relfeha riba e efecto nan colonial di Hulanda, y pa tin accion pa cambio di clima. 

 

Delaster biaha cu tawata tin un protesta asina tawata riba dia di 18 di Maart, ora pueblo a interumpi e speech di Prome Minister Evelyn Wever Croes, y a protesta tocante e crisis di medioambiente cu nos ta pasando aden. E biaha aki, e grupo a haci un peaceful protest cu borchi nan cu mensahe cu tin di haber cu nos naturalesa, nos crisis medioambiental, nos status den reino hulandes, y tambe e situacion di e hotel nan. 

 

Despues di un rato, polis nan a cuminsa menasa e grupo cu tawata protesta, y asta cuminsa pusha y lastra paar di hende den tereno publico. E protestador nan a ripara cu polis nan a purba di intimida y establece autoridad, mientrastanto e protestador nan ta expresa nan derecho constitucional y nan derecho di vocifera nan mes como ser humano. E grupo a ripara cu miembro nan di gobierno, parlamento, asta e governeur a ignora e grito di pueblo y e mensahe nan di e protestador. Pueblo ta birando mas concerni rond di Aruba, cu asta otro isla nan den reino Hulandes a cuminsa ripara cu Aruba a cuminsa lanta para contra e inhusticia y inaccion nan di gobierno di Aruba.

 

Cu tur e situacion cu ta pasando rond di Aruba, e protestador nan a forma un grupo pa trece dilanti y concientisa pueblo di kico ta pasando cu Aruba. Entre otro; Nos modelo di turismo no ta sostenibel, tin mucho hotels ‘riba Aruba, tin rioolwater cu ta drentando Eagle Beach y Palm Beach tur dia cu ta causa malesa, tin e UTV’s cu ta malo pa nos naturalesa, ta birando mas calor na Aruba cada aña, e awa di lama a cuminsa subi na tera nan di Divi, Druif y Tamarijn, tin demasiado rosamento di mondi, nos bida marino mane nos coral y mangel nan ta muriendo rond di Aruba, nos herencia cultural Indigena ta desapareciendo, ta birando mas caro pa locals, e mercado di cas y tereno ta wordo bendi na stranhero nan rico di afo y no pa Arubiano, y tambe cu cambio di clima ta afectando nos door cu nos ta isla vulnerabel. 

 

Tambe por menciona cu dia di rey tambe ta un momento pa refleha e impacto di colonisacion na Aruba. Un ehempel di esaki por ta cu e isla nan ABC-SSS no mag di independientemente representa nan mes na conferencia internacional di cambio di clima. Esaki ta paso Hulanda so mag di representa nos na convention nan di cambio di clima. Pero tur ora Hulanda bay e convencion nan aki, casi nunca Hulanda ta menciona e isla den reino Hulandes, mientrastanto nos isla nan ta esun cu ta mas vulnerabel na cambio di clima. Hulanda tampoco no ta menciona nos plan nan pa adapta na cambio di clima. ABC-SSS no tin ayudo, ni representacion, ni por participa den e convencion nan aki, cual ta discriminacion y tambe ta refleha e situacion di inhusticia den reino Hulandes.

 

Alfinal, e grupo ta creciendo mas grandi y tambe ta hayando hopi mas hende nan hoben di Generacion Z ta join den e movemento organico aki. E hoben nan concerni ta wak cu e lider nan cu nos tin awo no ta preocupa pa e generacion nan jong den e situacion di cambio di clima, mientrastanto ta nan generacion ta esun cu ta bay sinti e efecto mas grandi di e crisis medioambiental. E grupo ta urgi pueblo pa cuminsa lanta para contra inhusticia y inaccion nan y cuminsa bira mas grandi pa pone preshon riba gobierno pa cuminsa tuma e situacion di nos naturalesa mane un prioridad y cuminsa tuma e crisis medioambiental den serio.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio