Diasabra ultimo a tuma luga e di 10 Ultimate Taekwondo Cup y 5 atleta a clasifica pa Best of the Best 2018 caba. Un di e rekisitonan pa participa na Best of the Best ta, si un atleta sali best fighter na cualkier di e 3 campeonatonan organisa pa Brazil Taekwondo Stichting.
Na e campeonato nos por a mira con e atletanan a duna di nan banda bringando pa nan scol pa e best team. E rooky Daniel Hernandez a subi arena di combate pa prome biaha y a bringa cu e sistema G2 y a demonstra cu su curason ta grandi. She-Cutie Hernandez a haci su debut aña pasa December y a terorisa su contrincante laganado recuerdo atras. E aña aki She-Cutie Hernandez a bin pa regla cuenta ganando tur hende cu a para su dilanti y sin miedo. She-Cutie Hernandez a pone hopi bisa den nan mes cu e mucha muhe aki ta bay bira grandi.
Ta tarea di nos refereenan pa saca e best fighternan den cada categoria, specialmente ora cu tin bon bringado y mester scoge e miho di e categoria. E tres refereenan internacional di Aruba: Master Moices Dumfries, Master Eric Barry y Master Augie Tromp a scoge e miho atletanan.
Pabien ta bay na tur e best fighternan cu nan logro.