Diaranson un record di mas di 100.000 caso nobo di coronavirus a wordo raporta na Estados Unidos ariba un solo dia.
E cifranan aki ta bai acompaña di un aumento drastico di hende cu mester a wordo interna den hospital, locual ta sugeri cu e cifranan aki no solamente ta bin door di mas test.
Mas di 1.100 morto asocia cu coronavirus a wordo raporta diaranson.
E crisis di Covid na e momento aki ta wordo poni den sombra pa motibo di tensionnan tocante conteo di voto despues di eleccion na Merca.
Mas di 50.000 hende na Estados Unidos ta actualmente ten hospital cu coronavirus, un aumento di mas o menos 64% compara cu mas tempran den oktober.
E averahe di morto na e pais tambe ta subiendo, aunke e ta mas abou cu na comienso di e pandemia.
Den un entrevista cu Washington Post diabierna, e experto maximo den malesa infeccioso, Anthony Fauci a bisa: “Nos lo bai experiencia hopi dolor.”
El a agrega cu e posicion di Estados Unidos no por ta mas malo, mirando cu e weer friu ta pone hende keda paden.
Como respuesta, e vocero di White House Judd Deere a bisa cu e comentarionan aki ta “inacceptabel y ta kibra tur norma”.
Cu casi 9.5 miyon infeccion di coronavirus infections y mas di 233.000 morto, Estados Unidos tin e cifra di mas halto di caso y di morto rond mundo.
Fuente: BBC
Coronavirus: Un record di 100.000 caso nobo di Covid raporta na Estados Unidos
52