ORANJESTAD, Aruba – Servicio Veterinario di Departamento di Salud Publico kier recorda tur persona cu tin plania di sacrifica un cabrito, carne of porko pa consumo humano, cu esaki mester wordo hasi na Abattoir segun nos leynan. Matamento di bestia na cas ta ilegal y por tin su riesgo nan pa salud di hende.
Tur persona cu mester haci uso di servicio di Abattoir pa sacrifica un bestia durante luna di December 2019 por hasi esaki for di Dialuna te cu Diahuebs parti mainta. Pa por coordina e fluho di persona, e proceso di sacrifica animal ta tumando luga a base di afspraak pues mester percura pa jama un dia prome pa confirma. Ta pidi encarecidamente pa trese e animalnan entre 7:00 y 9:00 di mainta y e ultimo dia pa mata bestia lo ta Diamars 17 di December 2019.
Pa mas informacion por tuma contacto cu Veterinaire Dienst na telefoon 5224310 of pasa personalmente na Veterinaire Dienst Barcadera 1.