Home » Diabierna merdia pa atardi racha di violencia registra

Diabierna merdia pa atardi racha di violencia registra

4 Persona herida, door di hincamento y cortamento

by Admin
0 comment 157 views

Oranjestad

Diabierna atardi pasa di 5:30 central di polis ta wordo notifica di un problema adando na un cas na Mandolinstraat den Tarabana.

Patruya ser manda na e sitio di incidente. Un rato despues ta drenta un melding cu lo tin homber cu a wordo hinca na Olijfistraat.

Central di polis ta despacha mas unidad di polis debi cu e situacion a bira tenso y ta drenta melding di otro persona hinca den Pindastraat.

E persona herida na Mandolinstraat su situacion a cuminsa empeora na unda cu a dicidi di transporta e victima cu patruya di polis y conhuntamente cu mas unidad a habri caminda pa asina por yega mas pronto posibel hospital.

Departamento di recherce a presenta eynan como tambe polis tecnico pa asina haci nan investigacion.

Polis ta informa cu tin te cu awo 1 persona deteni, un cuchiu como tambe 2 auto confisca pa cu e caso encuestion na Cashewstraat y Mandolinstraat.

Den oranan tempran caba tabata tin problema andando na unda cu 2 hoben mester a wordo herida cu machete.

Cuerpo Policial ta haci un apelacion na personanan cu sa algo of a mira algo pa yama e tiplijn di polis cu ta 11141.

Update : un di e victimanan ta den ICU.
3 otro victimanan ta stabil.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio