Home » Dia di Himno y Bandera Aruba Juniors cu homenahe na Jose Luis “Caché” Marte.

Dia di Himno y Bandera Aruba Juniors cu homenahe na Jose Luis “Caché” Marte.

by Admin
0 comment 174 views

 

Caché Marte no ta un desconoci den e mundo di di deporte na Aruba, specialmente e deporte di softball Bush league. Naci na San Cistobal, Republica Dominicana dia 10 di mei 1963, a yega Aruba 33 aña pasa y a keda te dia di awe. 

Na San Cristobal e tabata den selección di mini basket y a wordo selecciona den e pre seleccion di Republica Dominicana. Cache a hunga basketball te na nivel di pre superior. 

El a hunga baseball y softball na nivel cu clase A. E prome deporte cu el a practica na Aruba tabata baseball cu e team Santo Domingo All Stars. Despues el a hunga dos aña basketball pa RCA den A-klas y a coach nan un aña. Den añanan 90 nan a hunga na nivel di A-klas. 

Cache a hunga softball pa varios team entre otro Polar, Fast & Easy y Club Dominicano entre otro. Despues di a hunga algún aña pa un team di Dominicano na San Nicolas, na 2007 Caché hunto cu Chago y Bianel entre otro ta lanta un team nobo bou di nomber di Quisqueya Softball Team. Quisqueya te ainda ta activo den Liga 40 y comercial. Tabata Robby Arambatzis y Aiky Odor kendenan a acerca Cache pa hunga pa Aruba Juniors liga 50. El a hunga 11 aña pa Aruba Juniors Liga 50 y actualmente tin 4 cu Aruba Juniors Liga 60. 

Cache a hunga softball na varios país entre otro Corsou, USA y Republica Dominicana. Cache ta conocí como un persona trahado y leal na su club Aruba Juniors E nomber di cariño “Caché” el a hay’e recién yeg’a na Aruba door di algún persona cu no tabata sa su nomber.. Un persona cu caché ta un hende cu personalidad of un hende alegre y entusiasma. E nomber Caché ta pas pa Jose Luis Marte pa loke e ta transmiti e persona  y e deportista cu e ta.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio