Home » Polis ta informa: HOBEN A WORDO TIRA NA MANDOLINSTRAAT

Polis ta informa: HOBEN A WORDO TIRA NA MANDOLINSTRAAT

by Admin
0 comment 695 views

Oranjestad- Aruba

Diamars madruga pa mas o menos 1:28 central di polis ta wordo notifica di un caso di tiramento na Mandolinstraat.
E prome informa cu e tiro lo a alcansa un hoben di 17 aña.
Central di polis ta despacha patruya policial di biaha na e sitio como tambe ambulance.

Na yega di e patruya ta bin encontra cu un hoben herida. A bin compronde cu probablemente un KIA Rio color shinishi lo mester a para dilanti e cas na Mandolinstraat y lo a los un tiro. E tiro lo a alcansa un hoben cu tabata pafo di e cas na su curpa
Ambulance a presenta na e sitio y personal di ambulance a duna asistencia medico na e victima y despues a transporte cu maximo urgencia pa hospital. E hoben su situacion ta critico stabiel.
Unidad di polis riba caya a cuminsa cu e busceda pa cu e auto encuestion.
Departamento di recherche a presenta na e sitio y polis technico pa asina haci nan investigacion.
Departamento di slachtofferhulp tambe a wordo poni na altura.

Cuerpo Policial ta pidi es cu a wak algo of sa algo pa yama e tiplijn di polis cu ta 11141. Bo anonimidad ta wordo garantisa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio