Home » Tarabana – Hoben(17) tira den oranan di marduga

Tarabana – Hoben(17) tira den oranan di marduga

Cu urgencia e la bay Hospitaal

by Admin
0 comment 391 views
Mandolinstraat – Diamars den oranan marduga polis di Playa a bay un adres conoci den Mandolinstraat, cu ta un caya den Tarabana pa un persona cu a wordo tira.

Polis cu a yega basta lihe a bin topa cu grupo di persona emociona den cura di cas situa den Mandolinstraat. Ey nan ta topa cu un hoben rond di 17 aña cu herida di bala den parti di su barica.

Mesora a pidi pa ambulance cu urgencia, a presenta dos ambulance pero ta uno so a bay den accion.
Paramediconan mirando cu tawata trata di algo hopi serio, rapidamente a lanta e hoben y pone den ambulance unda cu a sali cu urgencia pa Hospitaal.

Por a mira cu polis parti pafo di e cura di e cas a haya huls, probablemente esnan/esun cu a tira a los 2 pa 3 tiro. Na e sitio por a tende cu e tironan a sali for di un vehiculo parecido na un Kia Rio color shinishi.

Instancianan concerni a wordo buta na altura, manera semper slachtofferhulp y departamento tecnico y si ta bon tambe recherche.

Si autoridad tin suerte, camaranan di siguridad instala na puntonan clave lo por a capta dicho vehiculo.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio