Home » Bin celebra 18 di maart na Klooster Imeldahof

Bin celebra 18 di maart na Klooster Imeldahof

by Admin
0 comment 154 views

 

Fundacion Kapel di Bethania – FKB, ta habri portanan di Klooster Imeldahof pa henter pueblo di Aruba riba ‘Dia di Himno y Bandera’ 18 di maart for di 9:00 am pa 2:00 pm. Un y tur lo tin e posibilidad pa haya experencianan varia riba e dia di celebracion aki. 

Actualmente e hobennan boluntario di FKB a traha riba un bunita exposicion temporario cu e titulo ‘Vestuario Liturgico’. Specialmente riba e dia aki lo por haya un guia di e  hobennan. Por pasa y haya informacion di e exposicion ‘ Historia parokia di Noord’ y admira e Kapel di Behtania, cu ta e unico kapel di e estilo monastico cu tin na Aruba den su forma original. 

Banda di esaki tambe lo tin e Bazaar unda por cumpra cos dushi, artesania, prenda, productonan y mas. E bar y cushina lo ta bon surti, lo tin diferent platonan dushi crioyo.

Musica lo ta den encargo di amigo boluntario di FKB, Igmar Maduro unda  algun participante di e festival di ‘un canto na nos Himno’ lo hasi nan presentacion.

Lo tin oportunidad pa registra como boluntario pa esnan cu ta interesa pa yuda cuida y conserva e edificio monumental.

Fundacion Kapel di Bethania ta invita henter pueblo di Aruba pa bin pasa un rato placentero cerca nos, disfrutando y siñando di nos historia y cultura.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio