Un estudio recien a confirma kico hopi hende ya caba a sospecha: biba cerca di lama tin un impacto positivo riba salud mental y por reduci nivel di stress psicologico di un manera significante.
Segun un investigacion di Health & Place, esnan cu ta biba na menos cu un kilometer di lama tin 22% menos posibilidad pa desaroya sintoma di salud mental contrario cu esnan cu ta biba na mas di 50 kilometer di distancia. E resultadonan aki ta sugeri cu e proximidad cu lama ta directamente relaciona cu un mehoracion den e bienestar psicologico.
E simple hecho di contempla e inmensidad di lama por tin un efecto calmante. E sensacion di sinti bo mes chikito y insignificante banda di un forsa asina poderoso por evoca un sentimento di admiracion, cua cientificamente ta demostra cu tin efectonan beneficioso riba salud mental y emocional.
E hayazgonan aki ta sostene e idea cu conexion cu naturalesa, y den particular cu lama, por ta un herment balioso pa stimula salud mental y reduci stress. Den un mundo cu ta bira cada biaha mas lihe y den hopi movecion, busca manera pa incorpora trankilidad di lama den nos bida diario por ta fundamental pa mehora calidad di bida.