Dialuna ultimo, Vaticano a duna un autorisacion oficial pa prome biaha pa bendiciona parehanan di mesun sexo y parehanan “den situacionnan iregular” pa Iglesia Catolico, pero ta keda firme na su posicion contra matrimonio homosexual.
“E bendicion aki nunca lo tuma luga na mes momento cu ritonan civil
di union, ni tampoco conecta cu nan. Ni sikiera cu bistimenta, gestonan o
palabranan propio di un matrimonio”, asina ta bisa e documento di Dicasterio
pa Doctrina di Fe, cu a keda aproba pa Papa Francisco.
“Ta existi e posibilidad pa bendicion di pareha den situacionnan iregular
y di pareha di mesun sexo, pero nan forma no mester haya ningun fihacion ritual
for di e autoridadnan eclesiastico, pa no causa confusion cu e bendicion propio
di e sacramento di matrimonio”, e documento ta bisa adicionalmente.