SV Estrella seccion futbol ta perde un gran deportisa y un tremendo ser humano cual ta Herman Bubu Everon.
Su trayectoria den Estrella ta hasie un di e futbolistanan cu mas a defende e uniform di Estrella.
Na cuminsamento di añanan 70 di siglo pasa Bubu a cuminsa hunga como keeper pa e team di La Salle den B-Klasse y despues den A-Klasse. Na december 1972 el a forma parti di e seleccion hubenil di Aruba cu a hunga na Boneiro contra Corsou y Boneiro pa mira cua isla lo forma e seleccion hubenil di Antiyas pa aña 1973.
Na 1974 Bubu a cuminsa hunga pa Estrella den Hoofdklasse y a hunga den e clase mayor di nos futbol te cu 1989, un total di 16 campeonato. Durante e periodo aki Bubu a yuda Estrella titula campeon 4 biaha y subcampeon 5 biaha:
Campeon: 1977, 1985, 1988, 1989
Subcampeon: 1974, 1976, 1978, 1981, 1987
Durante e periodo aki Bubu a participa cu Estrella den varios Copa Antiyano.
Sv Estrella.
Oportunidad pa condolencia: Aurora Funeral Home, dialuna 18 december 2023 di 7:00pm pa 9:00pm
Invitacion pa acto di entiero cu lo tuma lugar; diamars 19 december 2023 na Aurora Funeral Home di 9:00am pa 11:00am y despues lo sali pa Santana Catholico De Vries na Santa Cruz.
Sv Estrella ta invita tur ex-hungadornan pa asisti un rato na veld di Estrella Diamars mainta 8:00 unda cu e restonan di Bubu lo pasa riba veld di Estrella pa un ceremonia dedica na Bubu.
SV Estrella ta manda palabranan di condolencia na famia di Bubu Everon y cu Bubu sosega na paz den reino di Señor.