Home » Charla ‘E derechonan di pashent’ na Biblioteca Nacional

Charla ‘E derechonan di pashent’ na Biblioteca Nacional

by Admin
0 comment 106 views

 

Riba dialuna 3 di april 2023 a tuma lugar un charla tocante E derechonan di pashent na Biblioteca Nacional (Oranjestad) organisa pa Fundacion SIKI.

E meta di e charla aki tabata pa cuminsa informa publico general kico e derechonan di pashent ta encera. Idea tras di esaki ta pa concientisa e comunidad pa haya sa nan derechonan di pashent y pa haci uzo di esaki tambe. mr.dr. Jayburtt Dijkhoff a elabora riba e tema aki ya cu el a scirbi e prome buki den Reino Hulandes titula E derechonan di pashent.

Durante e evento publico por a scucha tocante e derechonan mas importante y nan limite, kiermen unda mester bai traha pa mehora e situacion pa tur pashent. Un ehempel ta cu tur pashent por pidi copia di su file y e dunador di cuido mester cumpli cu esaki mas pronto cu ta posibel, pero denter di 1 luna. Si ta un file medico grandi e por pidi extension, pero tin maximo di 3 luna pa cumpli cu e peticion di e pashent.

E publico a ricibi e tipo di informacion aki positivamente. Tambe nan a aplaudi cu Fundacion SIKI lo bai duna charlanan gratis na tur bario na Aruba, cuminsando for di luna di mei. Na final di e charla e Directora di Biblioteca Nacional Aruba, sra. Astrid Britten, a ricibi un ehemplar di e buki tambe, pa e Coleccion nacional di Aruba. E publico por a obtene un buki y e firma di e autor tambe, y a clausura e evento den un seno hopi ameno.

Pa esnan cu kier obtene e buki ‘E derechonan di pashent’, por haya esaki na tur boekhandel na Aruba. E fechanan di e charlanan lo wordo anuncia pronto riba tur medio di comunicacion, tambe riba e website di SIKI Aruba www.sikiaruba.org y Facebook SIKI Aruba.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio