Montaña:
Diadomingo den careda di 3’or y 10 di atardi, riba e caminda di Montaña, presencia di polis a wordo pidi pa un boksmento, un auto maneha pa un homber a kibra un palo di lus y un pida muraya di un cura. E chauffeur no tabata herida pero si tabata mustra bou influencia.
Na yegada enberdad polis a bin cu e Nissan March pega contra un pida cura di un compleho di apartamento, na e sitio nan a bin compronde cu e chauffeur di e Nissan March pa motibo di lo tabata bou influencia a baha caminda cu su auto dal contra un palo di lus y despues a bay dal contra e cura di un compleho di aparatamento.
Mirando cu e chauffeur tabata basta bou influencia a pidi pa presencia di un transportwagen y alcohol sensor. Despues cu polis a haci test di alcohol cu e chauffeur a dicidi di detene e chauffeur y transporte cu transportwagen di polis pa warda di polis na Shaba.
Elmar tambe a wordo notifica pa asina haci e trabounan necesario na e palo di lus cu a wordo kibra.
