Zeewijk – Aruba ta sigui den e racha di arma di candela, mientras tin pidiendo pa entrega arma di candela si bo tin un. Diasabra mey anochi a sosode un caso lamentabel, momento cu un homber hoben di 24 aña aparentemente lo a pone fin na su bida door di tira su mes.
Esaki a sosode na altura di e pier di Zeewijk.
Na e sitio polisnan a topa cu un dama, cu lo ta pareha di e homber.
Na e sitio famia tawata masha emociona mes cu e tragedia aki. Un famia tawata bisa cu esaki a pasa debi na problema amoroso entre nan yiu y e dama cu tawata na e sitio.
E dama a wordo hiba warda, unda e la wordo interoga y tambe lo haci test di polvo cu ne. No ta conoci si e homber di fam Maduro lo por tawata sufri di depression.
Siguientemente informacion di parti polis:
Diasabra pasa di 12or di mei anochi central di polis ta wordo notifica di un caso na unda un homber probablemente lo mester a tira su mes na pier Zeewijk
Polis ta wordo manda na e sitio di e sucedido.
Na yegada di patruya ta pidi pa ambulance cu maximo urgencia mirando e situacion di e persona masculino.
Ambulance ta yega na e sitio pero lamentablemente no por a haci nada mas pa e persona.
Pa 1:10 am dr Texier ta constata morto di C.M.J. Maduro di 24 aña.
Recherche y polis techinco a presenta pa asina haci nan investigacion.
Tambe departanento di slachtofferhulp a yega pa asisti e famia den e momentonan aki.
E caso ta bao investigacion.
Cuerpo Policial ta manda palabra di condolencia na famia di e fayecido.
Manera por mira no ta bisa si e curpa a wordo tuma den beslag si of no.
