Baby Beach: Dialuna den careda di 5 or y mey di atardi, un yiu a yama 911, pa motibo cu e y su tata a bay lama y na momento cu e tata a bay landa e la perde su tata for di bista, e no por a haya su tata.
Mesora nan a manda un unidad di brandweer na e sitio y a pidi pa presencia di polis.
Na yegada e personal di brandweer a mesora a cuminsa busca y patras di Nanki nan a mira un curpa ta drief. Mesora nan a acerca e curpa y tabata trata di tata perdi.
Ainda e tabata duna poco señal di bida, mesora a sak’e for di lama y a cuminsa practica CPR cu ne, en espera di ambulance.
Na yegada di ambulance e paramediconan a tuma over y despues di un rato e persona a fayece, ta trata di un homber turista di 43 aña.
Dokter Texier a wordo pidi na e sitio pa constata morto, tambe presencia di Slachtofferhulp a wordo pidi pa asisti e famia den su tristesa.