Den e siman di 11-14 di april 2022 a tuma lugar un serie di bishitanan di trabou den continuacion cu e inversionan hasi den reenforza nos fronteranan por medio di e bestedingsplan vreemdelingenketen.
E bestedigingsplan vreemdelingenketen ta data di 2019 y ta incumbri un serie di projectonan y sosten multidepartamental cu e proposito pa reenforza e estado di derecho y fortifica nos fronteranan.
E biaha aki a toca un bishita di trabou di un delegacion di hulanda consistiendo di representantenan di Immigratie en Naturalisatie Dienst (IND) y Koninklijke Marechausee (Kmar). E bishita aki ta bin como un followup den cuadro di e ehecucion di e asina yama schiphol-model na Aruba pa loke ta e procesamento di peticionan di asilo na Aruba, teniendo na cuenta alavez e interes grandi cu e pais tin pa por tin un migracion y un control di frontera di calidad. Como delegadonan di Aruba tabata presente representantenan di e cadena di stranheria esta Inmigracion Aruba, Dimas y GNC.
Den e mesun siman tambe a tuma lugar un followup riba loke ta e programma di hostmanship. E session aki a wordo guia dor di un representante di Directie Terugkeer en Vertrek ( DT&V). Hostmanship ta un programma cu renombre mundial pa cual Aruba a scohe pa asocia su mes y ta momentaneamente bezig cu un trajectoria di certification di algun trainers cu ta reparti bou di diferente departamento di gobierno, esta GNC, DIMAS, Inmigracion Aruba, Cuerpo Policial, KIA y CEA. E proposito di hostmanship ta pa crea un cultura di servicio y amabilidad den tur aspecto cu por atende cu hende, ni maske kico nan situacion ta. E trainers nan local lo tin e gran tarea di train otro empleadonan den gobierno den e principio importante aki.
Den e mesun rosea a probecha e presencia di e representante di DT&V na Aruba pa toca temanan comun cu ta existi entre GNC y DT&V y asina sigui elabora riba e relacion di trabou ya caba existente entre e dos departamentonan esencial aki den reino Hulandes. Por wak bek riba reunionan di trabou hopi fructifero.