Green Corridor – Dialuna mainta automobilistanan ariba e Green Corridor a mira con un auto KIA a perde control y bolter cu dos persona den dje.
Dialuna mainta den careda di 9:30 polis y ambulance a sali cu urgencia direccion Green Corridor altura di e ballpark pa un auto cu a bolter.
Mientrastanto algun persona ariba caminda mesora a baha pa mira kiko a pasa y mira con nan por yuda esnan den e vehiculo.
Na yegada di polis y ambulance nan ta bin haya un auto KIA ariba su banda, esaki a sosode ariba e parti di Green Corridor cu ta bay pa Oranjestad.
Den e auto tawata tin dos dama, un mama y su yiu muhe. E yiu muhe lo tawata esun na stuur. Segun su version, e lo a bay maniobra momento cu auto a hera mishi cu e auto KIA y aki e la perde control subi e tera cu consecuencia a bay di banda.
Paramediconan a atende cu e mama cu tawata esun cu a resulta herida.
