Papaya: Dialuna algo pasa di 10’or di mainta brandweer a bay pa un candela den un cas na Papaya. Un patruya di polis a yega prome na e sitio y a mira un auto staciona dilanti di e cas, na prome instante no tabata sa si tabata tin hende den e cas.
For di e cas a sali un dama cu un kemadura na su man y un mucha chikito tur na huma. E dama tabata drumi y no tabata sa cu su cas tabata na candela. Despues cu nan sali pafo di nan cas, nan a bay na e bisiña. Polis a pidi pa presencia di ambulance, na yegada e paramedionan a trata ambos na e sitio y despues a transporta nan pa hospital pa un checkeo medico mas avansa.
Dos unidad di brandweer a bay na e sitio y hopi lihe a cuminsa combati e candela, den e cas. Presencia di Elmar a wordo pidi y hopi lihe nan a yega na e cas.
