Home Local Aruba Bank ta forma parti di Cede Aruba su proyecto di Pitch...

Aruba Bank ta forma parti di Cede Aruba su proyecto di Pitch Time Aruba

SHARE

Oranjestad – 26 di october 2021 – Pa di dos biaha Aruba Bank ta uni cu Cede Aruba den nan proyecto Pitch Time Aruba caminda hobennan di edad di 15 te cu 23 aña por participa. Pitch Time ta un programa dedica na forma lidernan nobo na hobennan den nos comunidad. Durante e transcurso di e proyecto e hobennan hunto cu NGO’s local ariba nos isla ta crea un conexion balioso cu nan ta hiba cu nan durante nan futuro carera y den nan bida.

Diabierna atardi na Club Kibrahacha, a tuma lugar e lansamento oficial di e proyecto Step It Up. E proyecto aki ta un proyecto cu lo duna balor na materia di Culturele en Kunstzinnige Vorming (CKV), enfocando riba expresion di arte door di baile. Lo brinda e hoben les tocante salud y e importancia di socialisa y organiza un competencia di baile den scolnan pa na final recauda fondo pa yuda scolnan cu mester di material den e vak di CKV.

Aruba Bank ta desea tur participante exito den e workshops y den e competencia final cu e proyecto aki ta brinda. Pa Aruba Bank ta un honor di por a contribui y alabes ta forma parti di un proyecto cu ta yuda y kere den nos hobennan y den nan futuro.