Home Politics Parlamentario drs. Shailiny Tromp-Lee (MEP): Parlamento di Aruba mester percura pa normanan...

Parlamentario drs. Shailiny Tromp-Lee (MEP): Parlamento di Aruba mester percura pa normanan di integridad y un gedragscode pa Parlamentario. 

SHARE

Mucho den e contenido di ley mi no a bay awe durante prome tanda, mirando cu dia 6 di oktober 2020 ya nos a trata e concepto di ley aki, cu awor a conoce algun cambio cu mi ta di acuerdo cu nan.

Loke si mi a haci awe ta duna atencion na un critica di RvA cu mi ta haya na su lugar. Mi a cita un parti di nan conseho di 9 di september 2020:

De Raad betreurt het echter dat geen uitvoering is gegeven aan zijn aanbeveling voor een allesomvattende Lv die van toepassing is op alle politieke gezagdragers, dus ook op de Statenleden. De Raad acht dit nog steeds een tekortkoming.

Esaki ta un critica cu ta aparece den tur e consehonan di RvA pa loke ta trata e conceptonan entrega pa regla integridad di ministersnan. Un critica cu manera mi a bisa anteriormente mi ta haye na su lugar y ta di opinion cu nos mester percura pa nos propio reglanan. Mescos cu nos a percura pa diferente otro leynan pa garantisa integridad den gobernacion manera Ley di financiamento di Partidonan politico, Ley di Ombudsman y a pone e fundeshi pa Bureau Integriteit y Integriteitskamer. Mi ta haya nos mester percura pa den un corto tempo nos tin nos propio normanan di integridad y gedragscode. Pesey mi a presenta un mocion awe durante prome tanda caminda mi a urgí pa Parlamento di Aruba den 6 luna di tempo percura pa e normanan di integridad y un gedragscode necesario pa Parlamento y tambe pa percura pa un concepto di ley pa brinda e kader legal pa esakinan. 

 

Mi ta contento cu mi a haya sosten completo di mi Coleganan di Fraccion y di Raiz pa cu mi mocion. Mi ta spera cu oposicion lo vota pro mi mocion.