Home Police Homber cu a caba di traha y no tabata tin permiso pa...

Homber cu a caba di traha y no tabata tin permiso pa tabata riba caya a keda deteni

SHARE

Piedra Plat: Diasabra algo prome cu 10’or y mey di anochi. polis a topa un auto, Kia Rio riba caminda di Piedra Plat na altura di Pizza Hut, den e auto tabata tin dos homber cu a caba di traha, polis mesora a para e auto pa haci un control.

Durante e control, e chauffeur a mustra e polisnan cu e tin carta cu e la caba di traha y tabata riba caminda pa bay cas. E ocupante cu tambe a caba di traha, pero no tabata tin un carta den su poder. E homber a splica polis cu e la caba di traha, pero no por a haya lift mas prome pa bay su cas y mester a keda warda riba e chauffeur, kende ta su amigo caba di traha pa asina e por a haya un lift pa su cas.

Polis no a tuma e splicacion di homber aki den consideracion, maske cu ambos homber tabata den uniform di trabou y bayendo direccion di nan cas, toch polis a opta pa detene e homber, pa motibo cu e no tabata tin un carta den su poder.

E homber a wordo transporta cu transportwagen di polis pa Warda di Santa Cruz, caminda e lo mester presenta dilanti Sub Fiscal y despues cu e haya su boet e lo por bay cas.