Home International Mama y yiu ta bula for di edificio na New York

Mama y yiu ta bula for di edificio na New York

SHARE

NEW YORK – Un mama y su yiu a bula for di un edificio di apartamento na Manhattan. Nan no a sobrebibi e caida.
Oksana Patchin di 39 aña tawata di bishita cerca amigonan hunto cu su yiu Olivia. Oksana a pidi pa e yabi pa bai ariba e dak pa mustra si yiu e bista. Esey fuentenan a declara na the New York Post. Ariba imagennan di camara por a mira con e muher ta bula e heki di seguridad, hisa su yiu muher y bula for di e edificio di 12 piso.
Segun polis, recientemente Oksana a divorcia y a bai biba temporalmente cerca su mama. Ainda no a ser encontra un carta di despedida.
Polis a inicia un investigacion conhuntamente cu e agencia di proteccion di mucha. „Nos prioridad ta pa percura pa e siguridad y bienestar di tur mucha na New York”, segun e vocero di e agencia.