Home » Historia di Aruba: Un dia manera awe 10 Januari

Historia di Aruba: Un dia manera awe 10 Januari

by Admin
0 comment 159 views

Esaki a yega di pasa na Aruba den pasado

10 Januari 1958: Joyriding di un dumptruck ta caba cu un accidente fatal

Den oranan di atardi a sosode un accidente hopi serio den cual Mr. E. Van Putten a perde su bida.
Meneer Van Putten tabata persona cu tabata conoci pa haci trabounan di verf, e tabata wordo cariñosament yama “Baas”. Despues cu Baas a caba cu un trabou den area di Hooiberg, e tabata den su auto bayendo riba e caminda di Santa Cruz pa Oranjestad. Na dado momento un dumptruck a dal hopi duro patras di su auto. E impacto tabata hopi fuerte cu Baas a fayece.

E chauffeur di e dumptruck no tabata tin rijbewijs y tabata bou influencia. Pa colmo e dumptruck tabata procedente di ladronicia. E dumptruck tabata procedente di ladronica. E chauffeur a keda mesora detene, e tabata un persona conoci pa polis, kende tin custumber di horta auto caba.

10 januari 1970: Carnaval 1970 a cuminsa na Club Tivoli.

Diasabra anochi tabata tin masha hopi interes pa e prome actividad di Carnaval organisa pa Tivoli Club, cu cooperacion di polis un parada por a wordo organisa. Den careda di 9’or di anochi a sali un Parada for di cas di Sr. Ru Arends den Adriaan Lacle Boulevard. Musica tabata bou encargo di Invaders Steelband. E parada a sigui te na entrada di Club Tivoli. caminda Dr. Gustavo Oduber, kende tabata Joker di aña 1969 a habri e parada.

Na yegada simbolicamente Sr. Oduber a habri e portanan di Tivoli Club, mesora e lusnan a cende y tabata tin un fiesta cu a wordo yama “Balloon Happening”, esaki a dura te den oranan laat di marduga. Durante e fiesta aki a escohe e prome candidatanan pa Reina di Carnaval di Tivoli. Asina Carnaval 1970 a cuminsa.

10 januari 1970: Redo a pone muhe bira agresivo y corta un otro den cara.

Un muhe mester a presenta dilanti hues despues cu e la corta un otro dama den su cara cu un blit. E dama di 26 aña lo a tende cu un otro dama lo tabata haci redo riba dje y e no a tuma esaki. E muhe a pasa man pa un blit y a hink’e den su tas pa si acaso e topa e muhe cu tabata haci redo riba dje.

Dia 27 augustus 1969, e la bin topa cu e muhe cu supuestamente lo a haci redo riba dje. E la gar’e den su cabey y despues a cort’e den su frenta y na su cara banda links.

Durante su caso Officier van Justitie a a exigi un boet di 25 florin of 5 dia cera na prison, cu dos aña voorwaardelijk cu dos siman di castigo di prison. E hues Brandenburg en cambio a tene cuenta cu e muhe aki den pasado a yega di haye caba envolvi cu husticia caba pa un caso di maltrato. Hues a aumenta e boet pa 50 florin of 10 dia di castigo di prison, cu dos aña voorwaardelijk cu 3 siman di castigo.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio