Home History of Aruba Historia di Aruba: Un dia manera awe 29 di December

Historia di Aruba: Un dia manera awe 29 di December

SHARE

Recordando algun suseso cu a pasa riba e fecha di awe
29 december

Mucha homber di 8 aña a wordo alcansa pa un auto y a fayece
Diabierna 29 december 1972, den careda di 4’or y mey di atardi na alto vista algun mucha homber tabata canando y e hobencito Caliso Albert Franken, a cuminsa cana riba caminda, net na momento cu tabata biniendo un auto, e la wordo alcansa pa e auto y a keda gravemente herida, cu urgencia e la wordo hiba hospital y den careda di 6’or di atardi e hobencito aki di Alto Vista a fayece. E tabata e di 14 morto di trafico pa anja 1972, cual anja cu mayoria di morto den trafico tabata peaton.

29 december 1973 Detencion di 6 persona
KPA a haci un detencion di 6 persona relaciona cu ladronicia di cocaina for di kluis di Warda di polis. POlis a detene varios persona entre otro un agente policial. tabata trata di R.B.(26 aña) R.V. (16 aña), E.T. (29 aña), J.A.C.(26 aña), E.L.R.(25 aña), R.A.W.(22aña), Un caso cu ta a pone hopi hende para keto.

29 di December 1979 Panama Store a kima
Diasabra den oranan di anochi, alarma a wordo bati pa un candela feros na Panama Store na San Nicolas. E conocido negoshi di Adolf Groder. Un candela causa pa vuurpijl. Brandweer a bay na e sitio y a haya tambe cooperacion di brandweer di L.A.G.O. nan a coopera cu un hoogwerken pa combati e candela. E candela tabata asina feros cu e dak di e negoshi a cay aden. Algun persona a cuminsa trata na plunder e negoshi aki y mesora a haya cooperacion di mariniers pa cuida y asina evita cu hende lo por a plunder locual a keda den e ruina kima.

29 di december 1981 cas a kima por completo 
Tabata tin varios candela. Na Ponton un cas a kima por completo. E candela a cuminsa den un area memey di e cas y pa ora cu brandweer a yega no por a haci mucho mas. E cas y tur locual tabata tin den e cas e momento ey a bay perdi. E doñonan tabata den exterior na momento di e candela. Menos mal cu e cas y tur locual tabata tin den e cas tabata segura.

Candela na Cha San Supermarket 29 december 1981
Na e mesun momento di e cas na candela, otro alarma di candela a wordo bati cu Cha San Supermarket, den Havenstraat tambe lo lo tin un candela. Mesora brandweer a bay na e sitio y a haci tur loke tabata posibel pa hopi lihe logra paga e candela, pa motibo cu den e warehouse patras di e supermarket tabata tin un cargacion grandi di vuurwerk, na balor di 100 mil florin e tempo ey.  E candela mes a cuminsa riba e dak di e supermarket. E candela a wordo ocasiona pa tiramento di vuurwerk. E candela hopi lihe a wordo paga pa asina evita un desaster den centro di cuidad.