Home Sports Varios scol di Taekwondo a presencia training di Henk Meijer.

Varios scol di Taekwondo a presencia training di Henk Meijer.

SHARE
 
Durante di Henk Meijer su tempo na Aruba, Monica Pimentel nos unico atleta Olimpico a bin cu algun di su atletanan pa train cerca Henk Meijer. Eric Barry di San Nicolaas Taekwondo Center a manda su yiu Shaquille Barry pa train y Grand Master Chaco Cornelio a manda su atleta di TK5 Samuel Rosales pa training.
 
E training cu Henk Meijer a duna tabata basa ariba e ultimo tecnologia avansa den Taekwondo. Un training cu a wordo prepara pa asina tur por a sigui e training. Henk Meijer a keda masha contento di por a mira e chikitonan cu curason grandi pa Taekwondo y mas ainda cu Stuart Smith Jr. ta siguiendo e pasonan di su tata.
 
Henk Meijer ta manda un danki na PowerAde cu a zorg pa tur atleta por tabata tin nan awa y PowerAde pa training.
 
Henk Meijer a combersa cu Monica Pimentel tocante 2021 y lo keda den contacto cu otro pa por sigui traha hunto pa e futuro di e atletanan di Aruba. Monica Pimentel a menciona na Henk Meijer cu manera cu cos bira miho el lo biaha pa Europa.