Home Dutch Kingdom 1064 kilo di Cocaina intercepta den un cargamento di bacoba y den...

1064 kilo di Cocaina intercepta den un cargamento di bacoba y den un cargamento di potchi paprika powder. Tres persona deteni

SHARE

Un biaha mas un sla duro pa e mundo di traficacion di droga di for di Latino america pa Europa.

Rotterdam, Hulanda: Douane den waf di Rotterdam durante un control diahuebs y diabierna a logra intercepta un total di 1064 kilo di cocaina cual tin un balor di mas cu 79 miyon Euro (mas cu 172 miyon florin).

Polis di waf di Rotterdam den cooperacion cu Douane a logra pone man riba tres persona, di 22, 24 y 32 aña, e sospechosonan aki ta procedente di Rotterdam, Bergambacht y Gouda.

E tres sospechosonan aki a wordo deteni despues cu nan a trata di huy na momento cu nan a wordo señala riba e tereno di ECT Delta, nan lo a subi e tereno di waf pa bay busca un container cu tabata tin un cargamento di potchi paprika powder. Den e container Douane a bin topa entre e potchinan un cargamento di 106kilo di Cocaina. E container tabata procedente for di Peru y tabata destina supuestamente pa un negoshi na Alemania.

Durante un control diabierna Douane a bolbe logra intercepta un 958 kilo di cocaina. E droga tabata scondi den un cargamento di bacoba. E container tabata riba un barco cu sali for di Costa Rica y tabata supuestamente destina  pa un compania na Bazel, Switzerland.

Aparentemente e dos companianan aki no tin nada di haber cu e traficacion di cocaina aki. E droga confisca mesora a wordo destrui y e caso ta den man di e HARC Team pa mas investigacion (Hit And Run Cargo (HARC).

HARC-team, ta un team special cu 23 aña pasa a wordo lanta cu e proposito pa combati traficacion di droga na Rotterdam, e team aki ta un cooperacion hopi special entre Douane, FIOD, polis di waf y Ministerio  Publico di Rotterdam,