Meiveld – Diabierna algun minuut prome cu 12’or di merdia polis a wordo notifica di un accidente cu hende herida pariba di ex Kong Fui na Meiveld.
Mesora un unidad policial a yega y a constata cu berdad tin herido, entre nan un dama na estado.
A pidi pa algun ambulance, cu a yega hopi lihe na e sitio.
E autonan envolvi tawata un Chevrolet Captiva y un Nissan Sentra unda mayoria di e heridonan tawata.
Un cabayero di edad sinta dilanti a bay dal su cabes contra e windshield, esaki a causa un herida hopi serio cu tawata sangra hopi.
Por a mira cu e impacto tawata den parti dilanti di e Chevrolet banda drechi, no tawata conoci e momento eynan ta cua a subi caminda dilanti otro.
Na stuur di e Captiva tawata tin un dama hoben, cu a bisa polis cu solamente e tin un poco dolor di brasa.
Ambulance a sali prome cu e persona mas serio, y despues e otro ambulancenan a sali direccion Hospital.
