San Nicolas – Caya Captain R.Rodger
Den careda di 3’or di marduga Cuerpo Policial a emiti un comunicado di e tragedia cu e pasa den bar Latin Passions.
Asina tambe a duna inicialnan di e dos personanan cu nan a haya sin bida den e bar.
Ta trata di Mia Figaroa y Tio Lopez.
Siguientemente e comunicado di parti Cuerpo Policial:
“Diaranson anochi pa 11:10 central di polis ta wordo notifica door di AC cu nan a haya un jamada cu na Latin Passions na San Nicolas lo mester a topa cu 4 persona den e bar cu ta for di tino.
A manda patruya como ambulance y tambe brandweer na e sitio di e sucedido.
Na jegada enberdad a bin topa cu 4 persona di cual 2 no ta duna señal di bida. Dos persona( hende muhe ) a wordo atendi pa personal di ambulance y stabilisa y manda cu maximo urgencia hospital pa haya tratamento medico necesario.
Na e sitio a presenta recherche , polis technico pa haci nan investigacion pa sa kiko por a pasa cu exactitud .
Tambe a pidi pa slachtofferhulp.
Dr Texier a constata morto pa 1:30 di
e sra M.F naci Aruba di 47 aña y e mr di G.L. naci na Aruba di 42 aña.
Tur dos curpa a wordo confisca pa investigacion.
Nos di cuerpo policial ta manda palabra di condolencia na famia di e fayecidonan”.
Mia Figaroa tawata un persona conoci pa nos Team di Arubanative.com y a laga nos den un shock.
Nos di Arubanative.com kier a manda un palabra di condolencia y forsa na su mayornan y tambe su yiunan.
Cu Mia y Tio sosega na paz.