Dos caso positivo mas di Covid 19 detecta durante control na Aeropuerto.

Oranjestad; Juli 20, 2020. DVG ta informa cu tin dos caso mas di Covid 19 Corona virus cu a keda constata. Ta trata aki di dos persona no residente cu a test positivo durante controlnan na nos Aeropuerto. Tur dos persona ta bon di salud y segun proceduranan di protocol nan tur dos a bay den isolacion. E total ta bira awor 14 caso activo di Covid 19 na Aruba.

DVG ta desea e pashentnan un pronto recuperacion. Pa mas informacion tocante di update di casonan di Covid 19 y tur otro informacion, Tips y Protocol por bishita e website www.arubacovid19.org.