Un total di 487 persona deteni te awor durante Toque de Queda

Oranjestad – Aruba, Diahuebs pa diabierna Aruba a pasa un otro anochi di TDQ, unda cu 4 minuut despues di 9’or cu e TDQ ta cuminsa a detene e prome persona.

Y asina e anochi a sigui cu a cera na un total di 13 persona sigui.

Esakinan a tuma luga ariba Vondellaan, Emanstraat, Piedra Plat y altura di veld di Brazil.

Nos a drenta un otro weekend, por spera cu e cifra lo aumenta loke nos a bin ta mira caba ariba e weekendnan anterior.

E no ta un situacion facil pa ningun hende, un por ta deal cu ne na un manera rustig y otro lamentablemente lo haci cosnan robes.

Pesey tambe Gobierno a pone numbernan disponibel si bo ta sinti cu bo mester papia cu un persona.

Linea di Crisis 

Pa asistencia den momento di crisis den dia of pafo di orario di oficina por jama  522-4343.