Amsterdam, Hulanda:
Dialuna 16 di maart 2020, na Hulanda tin en total 1413 persona cu coronavirus, di diadomingo pa dialuna a bin 278 persona mas acerca cu ta infecta cu coronavirus y tambe 4 persona mas cu tabata infecta cu e Virus a fayece di diadomingo pa dialuna. Actualmente na Hulanda tin ya caba 24 persona cu a muri despues di a wordo infecta cu e virus Corona.
E edadnan di esnan cu a fayece ta trata di entre 59 pa 94 aña.Un total di 205 pashent cu a wordo interna den hospital.
Na e provincia Noord Brabant tin 108 persona mas cu a wordo getest y a sali positivo. En total na e provinica Noord Brabant so tin 554 hende contagia cu COVID-19. E provincia Limburg tin 149 caso, provincia Utrecht tin 140 caso y Zuid Holland tin 135 caso cu ta e provincia cu mayoria di persona cu a meld a sali positivo.
Diadomingo ultimo gobierno Hulandes a tuma medidanan adicional relaciona cu e coronavirus. Tur scol, creche ta keda cera te cu Dialuna 6 di april. Esaki ta conta tambe pa tur club deportivo, Gym, restaurant, bar y cafe, nan tambe mester keda cera no ta wordo permiti pa nan habri.
fuente: RIVM