Oranjestad: Dialuna den oranan di merdia, tabata tin un caso den cual e conocido Naduiska Santana Marques, alias La Poderosa, Carolina di patruya#37, a sali cu un smile riba su cara, despues cu e mester a presenta dilanti Hues Comisario of Fiscal, e dama aki tabata acompaña pa un otro dama mas, ambos mester a presenta.
Mas trempan e van di Guarda Nos Costa a trece e conocido dama aki na corte di husticia y despues cu ela presenta dilanti Hues comisario Y/of Fiscal, ela wordo transporta bek pa Guarda Nos Costa.
Nos di arubanative.com na prome instante a trata di tuma contacto cu Sra. Hassel, pero no a logra pa motibo cu Sra. Hassel tabata den un reunion, pero un rato despues nos a haya un voicenote cu tur e informacionnan corecto.
Na yegada na Guarda Nos Costa La Poderosa a baha cu un smile grandi di orea pa orea gritando ” sali libre”. Esaki tabata pa motibo cu a detenenan na airport pa bayendo no Venezuela pero un otro destinacion. E detencion haci na airport y e encarcelacion no tabata hustifica pero e ordo pa expulsanan si a keda vigente.
E damanan aki nan peticion pa asilo a wordo nenga y mester bay for di Aruba
La Poderosa, Carolina di patruya #37, no mester keda deteni mas, cera den un cel na Guarda nos Costa, pero Carolina di patruya #37, La Poderosa etc. mas lihe cu ta posibel lo mester bandona Aruba y pa por lo pronto no por regresa mas.
E meta principal di e detencion di e damanan aki tabata pa nan wordo expulsa mirando e dañonan ocasiona na Aruba y tambe nan a burla di Gobierno y autoridad.