Pelea formal na Rooi Afo a termina cu tres persona deteni

Rooi Afo – Diaranson mainta trempan polis di Playa a wordo manda un adres ya conoci pa nan na Rooi Afo, unda lo tin un bringamento formal.

Na yegada di polis a topa cu esnan envolvi y nan a compronde cu maltrato a tuma luga.

Palo y tubo a wordo usa y un persona durante e pelea posiblemente lo a fractura un brasa.

Na e adres tawata trata di tres persona, dos homber y un dama.

E dama lo tawata hunto cu un di e hombernan.

Despues di scucha e storia polis a detene tur tres.

A pidi pa Transportwagen unda cu e dama y un homber a wordo poni hunto, indicando cu nan dos lo a bringa cu e otro homber.

Polis a confisca e artefactonan usa pa dal otro cu tawata mustra di ta un palo y tubo.

Tur a ser hiba warda di Playa, unda un Sub Fiscal lo dicidi kiko ta bira e siguiente pasonan.