Rotterdam: Diadomingo durante dia, na un centro di sorteer post di PostNL a bolbe topa cu un bombrief, esaki polis a informa.
E servicio di Explosieven Opruimingsdienst di Defensa (EOD) a destrui e explosivonan. No tabata ni necesario pa evacua e centro di sorteer post.
Tabata trata di un carta cu anteriormente a wordo entrega na un Gasstation na Rotterdam, e carta aki a wordo retorna y asina esaki a yega bek na e centro di sorteer post.
E bombrief aki tabata identico na tur e otro bombriefnan cu durante siman pasa a wordo encontra.
Riba e carta aki tambe tabata tin un sticker di adres di Centraal Invorderings Bureau (CIB) y tabata un poco diki.
E motibo di e bombriefnan aki, te na e momentonan aki no ta conoci, autoridad ta haciendo e investigacionnan necesario
Un bombrief ta un carta cu ta contene explosivonan improvisa, e ta mustra mescos cu un carta of pakete normal, e ta wordo manda via posterij. E intencion di un bombrief ta, cu manera un persona habri e carta aki, elo mester explota di biaha riba dje, cu consecuencianan di mata, herida of intimida e persona cu a habri e carta aki. Bombrief ta wordo manda mundialmente rond. Actualmente e ta pasando hopi na Hulanda.