Un biaha mas e siman aki, polisnan frances ta haya nan confronta cu un homber cu trastorno di personalidad, cu un chuchiu den man menasandonan y gritando “Allah Akbar” (DIOS TA GRANDI)
Metz, Francia: Diadomingo, polis di e cuidad Metz, na Nort Este di Francia, a tira un homber cu tabata mensando nan cu un cuchiu. Segun e procureur a informa cu e homber di 28 aña tambe tabata grita “Allah Akbar” y polis a los algun tiro cu lo a alcanse na su pia, ela keda herida pero su situacion no ta grave. Tambe durante e sucedido aki niun otro persona a keda herida.
Segun e medianan local, e homber lo a sali for di un tienda cu un cuchiu den su man, e tabata menasa mientras e lo tabata grita “Allah Akbar”. Ela para cu e cuchiu den su man, na un forma hopi menasante dilanti un patruya di polis, cu a wordo pidi na e sitio. Despues cu e homber a nenga di sigui ordo di polis, nan a dicidi di los 4 tiro den direccion di e homber, un of mas tiro a alcansa su pia.
Segun e procureur di Metz, Christian Mercuri, e homber ta conoci di polis pa motibo cu e ta un persona radical y tambe pa su trastornonan di personalidad. E procureur a confirma cu e homber aki tambe tabata grita ” Allah Akbar”.
E incidente aki ta similar na e esun di diabierna ultimo, cu a sosode na Villejuif cerca di Paris, den cual e homber di 22 aña a mata un homber y a herida dos dama cu un cuchiu. Ela wordo tira pa autoridad y a fayece. E tambe tabata tin un cuchiu y tambe tabata grita “Allah Akbar”.