President Donald Trump di Estados Unidos, a adverti Iran cu si acaso Iran ataca targetnan Mericano of civilnan Mericano, Merca lo tin 52 sitio selecta na Iran, cu ya caba nan tin miras riba nan y cu un contra atak’e hopi lihe y rapido.
Ta trata di lugarnan di “riba un nivel halto y importante pa Iran y e cultura Irani”, Esaki Trump a declara den un tweet. ” Merca no kier menasanan mas”
E president a anuncia esaki como reacion riba e menasanan di Iran despues di e atakenan Mericano cerca di e aeropuerto di Bagdad, den cual e general Irani, Qassem Soleimani y su teniente a fayece.
atake na altua di aeropuerto di Bagdad den cual Soleimani a fayece
E auto den cual Soleimani y su teniente tabata aden durante e atakenan.
Den su tweet Trump a yama Soleimani un “Lider Terorista”, Segun Trump Soleimani tabata tin miras caba riba e embahada Mericano y tabata preparando pa mas atake riba otro localidadnan.
E general Qasem Soleimani *11 March 1957 – +3 January 2020
Algun rato despues presidente Mericano a bolbe pone dos tweets den cual e ta menasa di nobo cu mas atak’e. Segun Trump ” Nan a ataca nos y nos a dal bek y si nan bolbe ataca, Y mi lo recomendanan pa no haci esaki – pasobra nos lo atacanan mas duro cu nunca antes nan a wordo ataca!” esaki segun Trump su tweet.
Ademas ela enfatisa cu Merca recientemente a caba di gasta 2 biyon dollar na equiponan militar. Segun Trump ” Nos ta e mas grandi y esun di miho na mundo”
“Si acaso Iran ataca un base Mericano of cualkier Mericano, nos lo manda parti di e equiponan nobo nan direccion y esaki sin duda algun!”
Segun e Minister Irani di asuntonan exterior, Javad Zarif a comenta cu ” Cu e asesinato cobarde di diabierna ultimo, Trump a viola seriamente e derechonan internacional caba. “Awo ta apunta sitionan cultural, esaki ta un Crimen di Guerra.”
Minister di asuntonan exterior di Iran, Javad Zarif
Mientras tanto Iran a convoca e Embahada Suizo na Teheran, debi na e menasanan di Trump. Suiza ta representa e interesnan diplomatico cu Estados Unidos na Iran, mirando cu Teheran y washington pa mas cu 40 aña, oficialmente no tin niun relacion diplomatico mas cu otro.
Segun e viceminister di asuntonan Exterior, Abbas Aragchi,”E declaracionnan hostil y menasante di e Presidente Mericano, ta absolutamente inaceptabel y ta viola leynan internacional.
viceminister di asuntonan Exterior di Iran, Abbas Aragchi
Segun Aragchi, Iran sigur no lo wordo intimida pa Merca, e pais lo reaciona consecuentemente riba cada agression mericano.