Cumana – Dialuna marduga polis a bay direccion Tarabana pa un chauffeur burachi na stuur di un Suzuki Liana.
Polis a bin localisa e vehiculo aki na Sero Biento bayendo zuid. Patruya a sigui’e y despues di un rato e auto a bay direccion Well Well y a cuminsa bay direccion Cumana. Polis tawata su tras cu zwaailicht.
Pariba di rotonde Cumana a logra pare. Agentenan a acerca e vehiculo y a sigui protocol, esta e chauffeur mester a supla na e Alco-sensor pa midi e nivel di alcohol.
Ela wordo deteni despues di e test, indicando cu elo a pasa e limitiet stipula pa ley.
Transportwagen a wordo pidi pa hibe warda di Polis.
Un suplica ta bay na tur chauffeur no bebe y despues subi tras di stuur. Corda cu tin mas hende ariba caminda y bo tin famia na cas wardando bo.
December ta un luna bunita, ban tene asina.